مع طلوع النهار

بقالى كتير ما نمتش .. و بالتالى ماحلمتش

فتره كبيرة و عدت عليا .. و أيامى من ساعتها هى هى

ماشيه منسابه للتيار .. وماعنديش وقت حتى أنهار

مسا و ليل و صبح، و أيوه نهار

حياتى جيتار بلا أوتار

لا فارق لونى بياض من سمار

و الدنيا قدامى خراب و دمار

و أنا وجودى فيها عابر؛ مجرد مار

اللى سرقها و سابها و من العداله يعتبر فار

اللى شمت فيها يجى كام جار

و اللى من فوق ضرب علينا النار

و اللى نوه عن كل شىء فى البلد انه ضار

و اللى واقف تحت الدش مستنى يغسل العار

واللى فاتح بقه مستغرب من اللى صار !

و اللى على كاسه مستنى فى البار

و اللى ماشيين ورا كلام كام حمار!

و طبعا اللى على الكنبه قاعد فى الدار .. يسمع و يقول ليه يا ثوار!!

و اللى مع كل ده سابها و لبلد تانيه زار

و فى راحوا كتيرفى الجنه أبرار !! علشان نحصد احنا الثمار!

و اللى فى كل ميدان راح لف و على حقه دار

و اللى أيام الثوره عمللها "زار" !!

اللى ماتلوه ابنه أو ابن بار

و اللى واقفين عايزيين ياخدوا بالتار

اللى واقف و دافع عن بلده بره و عليها غار!

و من المحكمه لطره، يا مالنا اللى طار !!

و ياما فى الجراب يا حاوى .. ما هو بقى أصله كار !!!

و اللى قاعدين بس عشان يكتبوا الأشعار ..

و كل ده فى أيام جوها مره بارد، و مره حار!!

مرار، أيوه من الغلب و الظلم، طفح المرار !!

دلوقتى فقت عشان انتهى المشوار !!

فهمت ساعتها، ان ده كان مخطط جبار !

دلوقتى نجحنا و فلحنا و بدون أعذار !

يا حلم نفسى يتحقق مع طلووع النهااار !!!