كانوا زمان بيقولوا الكلمة ليها صداها
و ركز فيها، فى نطقها، و معناها
لأن الكلمة دى ممكن تبنى شعوب
!! أو تحت الأرض يكون مثواها
أما الكلام ده مسئولية كبيرة
على كتف صاحبه حموله ثقيلة
يا يقوله و يهرب من أهل العشيره
يا يقف و يواجه لاخر دقيقة
و فى الاخر، لكل حاله تسعيره
و ربنا يكفينا شر المستخبى لينا
دلوقتى الكلام بأه يتعاد
يتسرق من صاحبه و على لسان غيره يتقال
سواء فى صيغة جملة أو حتى سؤال
فى الاخر .. مابقتش فارقه مين اللى قال
لأنه مالوش سعر فى العقل أو البال
!! ماهو قوله هو اللى بيدر المال
القيم مابقتش واضحة
و الكلمه بقت ناقصة
و مابقتش فارقة محاكمة من مناقصة
أو حتى شكوى ولا مخالصة
!! كلمة عالية، بس فى الاخر خارصة
