أكله مره

lazy لو مش نشيط ، و عايشها دايما
in their faces انزل وسط الناس ، و بص
hundred cases هتسمع و تشوف ، من واحد ل
الدنيا ماشيه بسرعه ، حاول تمشى معاها
مش لازم تسابقها ، كفايه تكون وياها
انزل وسط الزحام ، ما تسمحش للأوهام
تسيطر على دماغك ، و تقول كل دى أحلام
ماتسمحش لحد غيرك انه يسيطر عليك
دى حياتك انت لواحدك ، مافيش واصى عليك
فكر و قرر ، انت رايح فين
حياتك لواحدك ، ما تقسمهاش اثنين
الحياه بنعيشها مره ، حافظ انت عليها
اعتبرها أكله مره ، و اهى اتحسبت علينا
مش هقولك بص بره ، ماهى مصر برده فيها
أشخاص عندها قوه ، تهد و تبنى ليها

can علبة

اسمع و ركز معايا ....و اوعى تبص على النهايه
امشى معايا واحده واحده .... لا هتكلم عن واحد ولا حتى واحده

أنا هتكلم عن وضع حصل معايا.... أو عن غيرى مش دى الحكايه
و الكلام ده حصل النهارده ..... بكره أو بعده حاجة من الكلام ده

لسه معايا و مركز ويايا
اصبر عليا ماجاتش النهايه
البيت اللى جاى هبتدى الروايه

كان ياما كان و لسه الزمان ماخلصش من زمان
مركونه على رف فى دكانcan كان فيه علبة
canو كل أما يجى انسان و يقول جيه الأوان نشرب تلك ال
can يعدى الوقت أوام و يهرب بيه الزمان و لسه مكانك يا

و فى يوم من الأيام .... وفى وقت من الأزمان
أكيد هيجى اليوم..... و يرمى علينا اللوم

و ماتقولش أصل و عشانcan ليه اشتريتو ال
مهما كنت عطشان.... دور باه على المكان
just one can اللى يرويك أكثر من

لقيته و لا مالقيتوش .... عرفته و لا ما عرفتوش
أنا عن نفسى ما لحقتوش

can و الحدق يفهم هيا ايه ال
و أكيد طبعا مش شهاده أو علام

رحلة الجنان

gas اثنين من الناس بيشتغلو فى شركة
واحد ابن ناس و الثانى فلاح بفاس


الاول كان أخير فى اللعب مالوش مثيل
الثانى كان كبير و عقله وزنه تقيل


الاثنين فى نفس المكان
fan للاول تكيف و للثانى
الاول مرتاح و الثانى قلقان
السباق ابتدى من الان


أكيد واضح مين الكسبان
الثانى بيذاكر ودايما عرقان
tan والأول طبعا راح يعمل
وابتدى يبان العنوان
وبدأت رحلة الجنان


مجنون ده اللى يتحدانى
أنا الأول و مستحيل أبقى الثانى
المذاكرة دى مش عشانى
أنا أكسب و أنا قاعد فى مكانى
و بصراحه ..... أيوه أنا أنانى


طب ماقولتش ليه من بدرى
كنت هديت و متعبتش قلبى
ولا مشيت و سيبت أهلى
للتوضيح أصل أنا دقهلى


محدش خبا عليك
fake حياتك أصلها دى
فى البدايه قلقت عليك
for God sake هتفضل لامتى

متخافش أنا مش ماشى
وهقف قدامك ولا يمكن أمشى
أه أنا واحد بس مبخافشى


ياترى مين اللى هيفوز
اللى عنده جاكوزى و لا اللى عنده كوز
و على فكره الرهان بفلوس

صفارة و فاول

زعلان و نفسى .... خلاص هقول
كلام من القلب يطلع على طول
خلاص زهقت من اكل الفول
كلام حقيقى ... أنا مش مسطول
cool واللى يقول غير كده .. ميبقاش

بصحى من النوم دايما أوام
أيوه تعبت و ده مش تمام
و فى النهاية بيقولوا يا سلام
ده مش مجهود و كفايه كلام

مش مهم .... أدينا بنحاول
مره بواب و مره مقاول
وفى الاخر بيقولو بتتطاول
لا علليت صوتى ولا كلمت محاور
أمال ازاى ...... صفاره و فاول

محناش بنلعب كوره ياعم
اجروا بلا خيبه جتكو الهم
كل اما اشجع بيجيلى الغم

معلش المره دى علينا
والمره الجايه هتيقى لينا
لينا ازاى و من غير شتيما
ولا بلاش ده العيب فينا !!!

بلاش تقولوا هنقولها احنا
جيبوها فينا ده ياما كافحنا
و قال يعنى دى اخر محنه

ده ياما زمان أسينا كتير
ومع ذلك مفيش تغيير
الله يسامح بأه الكبير
" بنعمل اللى علينا و مفيش تقصير "
ساعات بيقولها ..... لأ قصدى كتير

كفاية كده تقلت عليكو
وانا اللى أقولها مش واحد فيكو
وكلمه تانيه وهقلب عليكو
وياللا امشو سلامو عليكو

انت الزمن

أيوه كتر الكلام و دايما بسمع و أقول
لا تعبت فى يوم من السؤال و لا عنه هقدر أتوب


هفضل أحكى حكايات حصلت فى زمان فات
كان فيه الحق عدل و الظلم عمره ساعات


كلمه كانت بتعلى و تقول الحق أهوه
لا كنت بدور عليها و لا أجرى بين ده و دهوه


دلوقتى الحق مات و الظلم رده السكات
الكل بيقول هات و فى المقابل بيدى الفتات


صعبان عليا حالك .... يا زمن اللى جرالك
حضرت مواقف نبيله ضاعت فى وسط الزحام
و شوفت مواقع كتيره .. انتهت .... و ده من زمان


مع انك انت الزمن اللى كان هناك و دلوقتى هنا
يبقى العيب مش عليك و لا نقدر نقول كده
ده العيب كله علينا .... الغلط ... ده كله فينا

احنا عاليين

و بعدين ...... يا ترى هنوصل لايه
و لمين....... صوتنا هيسمع و لفين


الكلام بقى كتير ... وأحداث ملهاش مثيل
الاعلام مفيش تقصير ... وبالعكس ده كده كتير


الكل بيتكلم و فى صوت واحد
ومحدش بيسمع غير الواحد

معقول اللى بيحصل ده
محدش قادر يوقف ده


مصر ضد الجزاير
بجد بقو ا ولا الدراير


مين يصدق .. الكوره اللى بتجمع الشعوب
هيا هيا ... اللى بتحجر القلوب
و تحرض شعب على اقتحام البيوت
أذى و ضرب فى نساء و أطفال و شيوخ


الفوضى بتعم المكان
و المكان مبقاش أمان
و الزمان من عشر أعوام
بقى أفضل من غير كلام


الكلام مش بيخلص
و الكرامه مش هتنقص
مهما عملوا الأوغاد
راسنا مرفوعه من زمن الأجداد
و حتى دلوقتى مرفوعه بالأحفاد


وبقولها أنا و شعبى من هنا
من أول مصر مرورا بقنا
حركاتكو كلوكوا مش ها تأثر فى اسمنا
عشان احنا عاليين باحترامنا للناس و لنفسنا

السراب

You are over qualified
الكلام ده بسمعه وايد

أنا خريجة علوم
لا أنا خريجة طب ولا حتى حصلت دبلوم

Chemist أروح أدور أشتغل
Pharmacist or Dentist يقولولى عايزين

طب بلاش ....
Administration أروح أدور على حاجه فى ال
Frustration لما جابولى over qualified يقولو

بجد لا أنا محصله أشتغل فى مجالى
ولا حتى فى غيره ، ده قانون و لازم أعانى

الدنيا فكت و لقيت شغل عايز لغة
اشتغلت و بقيت أحسن من سهى
بس عشان سهى بنت المديرة نهى
هفضل فى مكانى ولو معايا 100 لغة

بقالى 10 سنين فى مكان واحد
و طبعا اللى اترقى كان اسمه ماجد
أصل سهى قربت تبقى عانس
و المديرة نهى قالت مفيش غير ماجد

سنتين و لسه فى مكانى
جالى شغل و كمان فى مجالى
أخيرا يا رب .... اتحققت أحلامى
مافوقتش غير لما عرفت انه طلع بالمجانى
المرتب 200 جنيه ، و ده مخصوص عشانى
ساعتها عرفت انى كنت بجرى
ورا السراب و تعبت قلبى

بنتى كبرت و قالت لى العلوم فى دمى و كيانى
قلتلها لأ يا بنتى بلاش تعيدى المأساه دى تانى